Ambasadori Paolo Zampolli zhvilloi në Tiranë një takim me kreun e Grupit Parlamentar të Partisë Socialiste, Taulant Balla.
Përmes një postimi në rrjetet sociale, Zampolli e cilësoi takimin si të shkëlqyer, ndërsa bëri të ditur se në qendër të diskutimeve ishte roli i Shqipërisë si një aleate e besueshme e NATO-s.
Palët diskutuan gjithashtu për bashkëjetesën fetare dhe forcimin e marrëdhënieve mes Shqipërisë dhe Shteteve të Bashkuara të Amerikës.
“Nën drejtimin e Presidentit Trump, partneritetet e forta duhet të sjellin paqe, siguri dhe mirëqenie”, shkroi Zampolli, duke e shoqëruar mesazhin me flamujt e SHBA-së dhe Shqipërisë.
