Kryeministri Edi Rama ka përsëritur ftesën për dialog me protestuesit, këtë herë përmes një tavoline guri të vendosur para godinës së Kryeministrisë.
Tavolina është e rrethuar me ndenjëse, mbi të cilat janë vendosur fletë me fjalën “Dialog”. Rama publikoi pamjet në rrjetet sociale, të shoqëruara me përshëndetjen “Mirëmëngjes”.
Gjesti pason vendosjen e karrigeve në të njëjtin vend gjatë ditëve të mëparshme, si një ftesë simbolike për bisedime. Gjatë protestave, karriget u dëmtuan dhe fletët me mbishkrimin “Dialog” u grisën.
Kryeministri ka deklaruar vazhdimisht se është i gatshëm të takohet me protestuesit për të diskutuar kërkesat dhe kundërshtitë e tyre.
