Koalicioni Shqiptar ka siguruar dy mandate në Parlamentin e Serbisë, ku do të përfaqësohet nga Shaip Kamberi dhe Visar Mehmeti. Dy deputetët kanë marrë urimin e presidentes së Kosovës, Justina Shiroka-Pula, e cila e cilësoi rezultatin si dëshmi të rëndësisë së unitetit politik.
Në mesazhin e publikuar nga Presidenca, Shiroka-Pula theksoi se shqiptarët e Preshevës, Bujanocit dhe Medvegjës treguan se bashkëpunimi dhe besimi i qytetarëve sjellin rezultate.
Ajo shprehu shpresën që dy mandatet të shërbejnë për një përfaqësim më të fuqishëm, mbrojtje më efektive të të drejtave të shqiptarëve dhe zhvillim ekonomik në Luginën e Preshevës.
“Vazhdoni me të njëjtin unitet edhe në mandatin që keni fituar, sepse forca e vërtetë qëndron te bashkimi”, u shpreh presidentja.
