×
Wednesday, August 10, 2022

Arrin në 50 mijë numri i viktimave në SHBA, propozimi shokues i Trump: ‘Injeksione dezinfektuese kundër virusit’

April 24, 2020

Në Shtetet e Bashkuara të Amerikës, 3,176 persona të tjerë humbën jetën nga koronavirusi brenda 24 orësh, duke e çuar në total numrin në rreth 50,000 vdekje (49.759). Është ky përditësimi më i fundit nga Universiteti Johns Hopkins. Ka 866.646 infeksione të reja, ose 26.971 më shumë në një ditë. Në shtetin e Nju Jorkut, janë regjistruar sot 6,244 raste të reja, duke e çuar totalin në 263.460 siç raportohet nga zyra e Guvernatorit Andrew Cuomo.

Dritë jeshile nga Dhoma e Përfaqësuesve e SHBA në planin e ri të ndihmës prej 484 miliardë $ për të lehtësuar ndikimin ekonomik të koronavirusit. Presidenti Donald Trump pritet të nënshkruajë masën, tashmë të miratuar nga Senati dhe të destinuara kryesisht për bizneset e vogla, midis sot dhe nesër.

Vaksina është shumë afër” u shpreh Presidenti Donald Trump gjatë konferencës për shtyp mbi koronavirusin në Shtëpinë e Bardhë, duke specifikuar megjithatë që “testet nuk janë afër” mbi vaksinën. Presidenti pastaj njoftoi se ai mund të zgjasë udhëzimet për distancimin shoqëror në SH.B.A. deri në fillim të verës ose më gjerë. Kjo është thënë në konferencën e përditshme për shtyp të Shtëpisë së Bardhë mbi urgjencën shëndetësore të shkaktuar nga pandemia Covid-19, duke pretenduar se do të jetë çështje e sensit të përbashkët, por “derisa të ndjehemi mjaft të sigurt, rregullat do të mbahen” .

Udhëzimet Amerikane se si të merreni me pandeminë ishin nxjerrë për herë të parë deri në mes të marsit dhe më pas u shtynë deri në fund të prillit. Tani shkon më tej, edhe nëse ato nuk janë juridikisht të detyrueshme për shtetet individuale. Në fakt, disa kanë zbatuar rregullat “e tyre” me kufizime edhe më të rrepta, veçanërisht në aktivitetet në grup ose ngrënien në restorante. Të tjerë shtete, megjithatë, të paktën 16  kujtoi Zëvendës Presidentin Mike Pence, lehtësuan presionin ndaj qytetarëve me “planet e rihapjes” për të hequr kufizimet e vendosura për shkak të koronavirusit.

Presidenti amerikan më pas citon virologun e task forcës së Shtëpisë së Bardhë, Anthony Fauci, duke e kundërshtuar faktin se nuk ka teste të mjaftueshme në SH.B.A. “Unë nuk jam dakord,” tha ai ndërsa komentoi deklaratat e Fauci I cili  nuk është i pranishëm në konferencën e shtypit Covid-19 sot. Pentagoni dhe 007 amerikanë – ndërkohë mësohet – po hetojnë mundësinë që kundërshtarët e Shteteve të Bashkuara mund të përdorin koronavirusin si një armë biologjike kundër objektivave amerikanë.

Por deklarata që ngjalli më tepër debate ishte sugjerimi i Trump se  drita e diellit, rrezet ultravjollcë ose dezinfektuesi i cili injektohet në trup për të vrarë koronavirusin. Në konferencën për shtyp, reporteri i Washington Post, Philip Rucker e interpretoi kërë deklaratë të Trump një keqinformim të dukshëm. “Njerëzit që dëgjojnë këto njoftime, duan të marrin informacion dhe udhëzime dhe duan të dinë se çfarë të bëjnë. Ata nuk po kërkojnë thashetheme ”. Trump u përgjigj, “Unë jam presidenti dhe ju jeni lajm i rremë“, duke shtuar se udhëzimet e tij “janë vetëm një sugjerim“.

Megjithëkëtë “udhëzimi’ i Trump ndezi menjëherë një lum polemikash me shumë ekspertë që e përcaktuan udhëzimin e Presidentit si “të papërgjegjshëm dhe të rrezikshëm” pasi kjo mund të shtyjë dikë të injektojë vetë dezinfektuesin në shtëpi.

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments