×
Friday, August 12, 2022

SHBA/Koronavirusi dhe debati kushtetues për të ‘detyruar’ shtetet të heqin masat shtërnguese

April 14, 2020

Numri i rasteve të prekur nga koronavirusi në Sh.B.A për disa ditë radhazi është më e ulët. Ndërkohë që në lidhje me këtë Presidenti Donald Trump njoftoi të martën një grup pune të ri që do të zhvillojë plane për rihapjen e vendit dhe zgjimin e ekonomisë së vendit të tij.

Rënia e fundit në spitalet dhe çështjet e tjera të COVID-19 kanë nxitur guvernatorët në gjashtë shtete verilindore dhe tre shtete perëndimore të krijojnë grupet e tyre për të filluar bisedimet drejt ndryshimit të urdhrave të qëndrimit në shtëpi.

Trump, megjithatë, pretendon se ai ka një autoritet “të plotë” për çështje të tilla dhe premtoi të emërojë një grup pune për ta këshilluar atë që do të përfshijë “mjekë të shkëlqyer”, njerëz të biznesit dhe potencialisht anëtarë të Kongresit dhe qeveritarë të shtetit.

Presidenti i Shteteve të Bashkuara merr vendimet“, tha Trump. “Ky autoritet është total.”

Kjo deklaratë e fortë nga Presidenti Donald Trump,  u shoqërua nga debate të cilat u reflekstun në gazetat më authoritative të vendit. Reporteri i CNN, Kaitlan Collins njoftoi Trump se pohimi i tij nuk ishte i vërtetë dhe i kërkoi që të shpjegonte vetë. Presidenti u përgjigj: “Ne do të shkruajmë lshkresa për këtë. Nuk do të jetë e nevojshme, sepse guvernatorëve i duhemi ne në një mënyrë ose në tjetrën “.

Pyetjes nëse ndonjë guvernator kishte rënë dakord në të vërtetë që Trump kishte autorizimin të vendosi se kur shteti i tyre do të rihapet, presidenti tha: “Unë nuk kam pyetur askënd, sepse nuk më duhet“, dhe nuk pranoi të përgjigjet pyetjeve të mëtejshme rreth pretendimit të tij.

Ai përmendi “dispozita të shumta” në Kushtetutë por analistë të ndryshëm argumentojnë se Kushtetuta i jep shteteve, jo qeverisë federale, “kompetencën e  policimit”,  aftësitë për të zbatuar rendin dhe rregullimin e sjelljes publike gjatë një krize të shëndetit publik.

Presidenti kishte deklaruar nëpëmjet një postimi në twitter më herët të hënën se ai dhe jo guvernatorët, kishin kompetencën e fundit për të hequr kufizimet e distancës sociale, duke kundërshtuar kështu analizën e ekspertëve të shumtë juridikë.

Udhëheqësit demokratë në Bregun Perëndimor dhe në Verilindje kanë njoftuar përpjekje të veçanta shtetërore në rajonet e tyre përkatëse për të vlerësuar urdhërat e qëndrimit në shtëpi në afatet e tyre kohore. Guvernatorët në New York, New Jersey, Connecticut, Pennsylvania, Delaware dhe Rhode Island do të koordinojnë përpjekjet për të rihapur kur të jetë e sigurt për ta bërë këtë, dhe guvernatorët e Uashingtonit, Oregon dhe California njoftuan një pakt të ngjashëm. Duke qenë një armik i përbashkët, kufijtë midis shteteve zhduken dhe bashkëpunimi rajonal mund të ndihmojë në shkëmbimin e praktikave më të mira për menaxhimin e krizës. 

Pavarësisht bashkëpunimit Guvernatori i New York-ut Andrew Cuomo, deklaroi të hënën se çdo rifillim ekonomik duhet të jetë çështje e shteteve.

Në një intervistë për CNN pas konferencës për shtyp të Trump, guvernatori nuk u pajtua me analizën ligjore të presidentit.

Ne nuk kemi një mbret, ne kemi një president të zgjedhur. Kjo është ajo që etërit tanë themelues bënë kur shkruajtën Kushtetutën, “tha ai.

Dhe Kushtetuta thotë qartë se kompetencat që nuk janë të listuara posaçërisht për qeverinë federale u janë rezervuar shteteve.”

Nuk është ndalur me kaq Guvernatori demokrat i New York, Andrew Cuomo, i cili i kërkoi presidentit të linte mënjanë politikën. “Unë e di se është e kuqja përkundrejt bluve. Jo më. Është e kuqe, e bardhë dhe blu. Unë kam 10,000 vdekje në shtetin tim. Ky virus nuk vrau Demokratët ose Republikanët, ai vrau Amerikanët“.

Me një situate në evolim e sipër, e sigurtë mbetet që debatet mbi kalimin në fazën e dytë të koronavirusit do të vazhdojë të jenë në qendër të vëmendjes mediatike, ku Presidenti Trump dhe guvernatorët do të duhet të japin argumentat kushtetuese në mbrojtje të versionit të tyre.

Eunews.al  

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments