Një hotel në jug të Kinës që shërbente për t’i vendosur në karantinë njerëzit e infektuar me koronavirusin COVID-19, është shembur.
Siç shkruan South China Morning Post, bëhet fjalë për një hotel pesëkatësh në qytetin Quanzhou të provincës Fujian.
Ende ngelet i panjohur shkaku i shembjes së hotelit, në të cilin gjendeshin 70 persona.
Dëshmitarët thonë se kanë dëgjuar një shpërthim para se ndërtesa të shembej.
Ekipet e shpëtimit deri më tani kanë shpëtuar 28 persona, ndërsa aktivitetet e shpëtimit janë duke vazhduar.
Eunews.al
