Gjermania mbështetje 350 mijë euro për Zyrën Rajonale për Bashkëpunimin Rinor
Mbështetja gjermane për RYCO do të vazhdojë edhe në vitin 2021.
Sikurse edhe në dy vitet e shkuara, Qeveria Federale do të mbështesë financiarisht Zyrën Rajonale për Bashkëpunimin Rinor (RYCO) me 350.000 euro në vitin 2021, bëri të ditur sot Ambasada gjermane në Tiranë.
Fokusi i financimit është zhvillimi i një strategjie të re për vitet 2022-2024 dhe krijimi i një platforme dixhitale për të rinjtë e rajonit.
Ambasadori i Gjermanisë në Shqipëri, Peter Zingraf dhe Sekretari i Përgjithshëm i RYCO-s, Albert Hani nënshkruan sot në ambientet e Ambasadës gjermane marrëveshjen e financimit për këtë bashkëpunim të mëtejshëm.
Ambasadori Zingraf nënvizoi rëndësinë e punës së RYCO-s dhe ishte i lumtur që edhe këtë vit Qeveria Federale po vë në dispozicion fonde për organizatën rinore.
Eunews.al
