Balla nga Lushnja: Eksportet janë rritur me 14% në tremujorin e parë të 2022
Drejtuesi Politik i Partisë Socialiste për qarkun e Fierit, Taulant Balla së bashku me kryetaren e bashkisë Lushnje Eriselda Sefa kanë vizituar ditën e sotme kompaninë ‘Elian Export’ e cila kyen eksporte të perimeve të cilat prodhohen në hambarin e Myzeqesë në të gjitha vendet e rajonit si dhe në Europë.
Në fjalën e tij Balla tha se Qeveria Shqiptare i qëndronë synimit të saj për 1 Miliard dollarë eksporte shqiptare bujqësore brenda mandatit të saj të tretë.
“Exportet janë rritur me 14% në tremujorin e parë 2022 krahasuar me një vit më parë”, tha Balla.
Sipas Ballës përkrahja e qeverisë shqiptare për bujqit do të vazhdojë të jetë edhe më e madhe.
Gjithashtu Balla tha se në këtë periudhë lufte, nuk mungon dhe bujaria dhe humanizmi, pasi kompania ‘Elian Export’ ka nisur dhe kamionë me lakër falas për në Ukrainë.
Produktet e zonës së Myzeqesë konkurojnë me të gjithë botën dhe janë më të kërkuarat pasi kërkesa për këto produkte është gjithmonë në rritje
