Balla: Hetim britanik për dosjen “Basha-675 mijë $”, provat e reja konfirmojnë pagesat dhe krimin
Kryetari i Grupit Parlamentar të Partisë Socialiste, Taulant Balla ka reaguar pas publikimit të një artikulli nga prestigjozja britanike “The Times”, e cila përmes një shkrimi investigativ ka publikuar sot fakte të reja, të cilat konfirmojnë përfundimisht me prova faktin se një kompani skoceze guackë “(SLP) është në zemër të një hetimi mbi krimet e dyshuara të financimit të fushatës të Lulzim Bashës, kryetarit të opozitës në Shqipëri, i cili e shkeli këtë rregull i pandërshkuar”.
Sipas Ballës, Partia Demokratike, jo i pandërshkuari Lulzim Basha sikurse e quan Gazeta “The Times”, i detyrohen publikut shqiptar një përgjigje të menjëhershme.
Postimi i plotë i Taulant Ballës:
Hetim britanik për dosjen “Basha-675mijë dollarë”, provat e reja konfirmojnë pagesat dhe krimin👊
Partia Demokratike, jo i pandërshkuari Lulzim Basha sikurse e quan Gazeta The Times, i detyrohen publikut shqiptar një përgjigje të menjëhershme.
Gazeta britanike The Times përmes një shkrimi investigativ ka publikuar sot fakte të reja, të cilat konfirmojnë përfundimisht me prova faktin se një kompani skoceze guackë “(SLP) është në zemër të një hetimi mbi krimet e dyshuara të financimit të fushatës të Lulzim Bashës, kryetarit të opozitës në Shqipëri, i cili e shkeli këtë rregull i pandërshkuar”.
The Times ka zbuluar se: “SLP në qendër të skandalit politik në Shqipëri është Biniatta Trade e regjistruar nga Edinburg. Në vitin 2018 në rregjistrat publikë rezulton të jenë paguar qindra mijëra dollarë një lobisti amerikan në emër të Partisë Demokratike të zotit Basha. Zoti Basha fillimisht u akuzua për pastrim parash por kjo u rrëzua. Biniatta Trade u lejua të ndryshojë emrin e saj dhe pastaj u mbyll vitin e kaluar, pa u identifikuar kurrë një pronar i vertetë i saj”.
Shkrimi i plotë në The Times:
https://www.thetimes.co.uk/article/abuse-of-ghost-firms-shows-the-uk-is-not-serious-about-reform-6rfl2wf9n
Për ta kuptuar të plotë këtë skandal, shikojini me kujdes këto dokumenta të publikuara në faqen zyrtare të Departamentit Amerikan të Drejtësisë (Akti i Rregjistrimit të Agjentëve të Huaj).
- Kontrata e firmosurnga Lulzim Basha me numër pashaporte diplomatike DB1159763:
https://efile.fara.gov/docs/6414-Exhibit-AB-20170331-1.pdf - Shërbimet e faturuara në emër të Partisë Demokratike në shumën 675.000 dollarë:
https://efile.fara.gov/docs/6414-Supplemental-Statement-20171114-1.pdf - Deklarata ku kompania guackë Biniatta Trade deklaron se do të kompensojë/do të paguajë Muzin për shërbimet e ofruara në emër të Partisë Demokratike:
https://efile.fara.gov/docs/6414-Exhibit-AB-20171114-2.pdf
Fakte të reja plotësojnë kushtet për një kallzim të ri!
Eunews.al
