Rama uron 1 Majin: “Me respekt për punëtorët shqiptarë” – Shqipëria afër mesatares së BE-së për papunësinë

Kryeministri Edi Rama ka uruar sot 1 Majin, 1 Maji, duke vlerësuar punën dhe kontributin e qytetarëve shqiptarë në zhvillimin e vendit.

Përmes një postimi në rrjetet sociale, Rama u shpreh: “Me zemër e respekt, i uroj çdo shqiptari punëtor punë e ditë të mbarë”.

Ndërkohë, Agjencia për Media dhe Informim theksoi se Shqipëria aktualisht shënon një nivel papunësie prej rreth 8.3%, shifër e përafërt me mesataren e Bashkimit Evropian, duke e cilësuar këtë si tregues të progresit në tregun e punës.

1 Maji shënohet çdo vit në shumë vende të botës si ditë për të drejtat e punëtorëve, ku organizohen marshime dhe aktivitete që kërkojnë kushte më të mira pune, paga më të drejta dhe mbrojtje sociale.

Në Shqipëri, kjo ditë shënohet gjithashtu me aktivitete dhe marshime nga organizatat e punëtorëve, ndërsa mbetet një moment reflektimi mbi të drejtat dhe kushtet e punës.