Administrata e Kryeministrisë i është bashkuar edhe këtë vit nismës për dhurimin vullnetar të gjakut, në kuadër të një aktiviteti që zhvillohet prej vitesh si pjesë e traditës së institucionit.
Kryeministri Edi Rama bëri publik aktivitetin përmes një postimi në rrjetet sociale, ku ndau edhe pamje nga momenti kur vetë ai dhuroi gjak.
Nisma synon të kontribuojë në sigurimin e rezervave të nevojshme të gjakut dhe të sensibilizojë qytetarët për rëndësinë e dhurimit vullnetar.
Dhurimi i gjakut mbetet një element i rëndësishëm për garantimin e furnizimit të spitaleve dhe për trajtimin e pacientëve që kanë nevojë për transfuzione, ndërsa fushata të tilla synojnë të rrisin numrin e dhuruesve të rregullt.
Aktiviteti i administratës së Kryeministrisë zhvillohet si pjesë e nismave periodike për të nxitur solidaritetin dhe për të mbështetur nevojat e sistemit shëndetësor.
