Parlamenti Evropian ka miratuar një rezolutë që i kërkon Këshillit të Bashkimit Evropian të përfshijë rebelët Huthi të Jemenit në listën e organizatave terroriste të bllokut.
Thirrja përfshin lëvizjen Huthi, udhëheqjen e saj dhe strukturat ushtarake e të sigurisë.
Në rezolutë, eurodeputetët i cilësojnë sulmet e Huthive ndaj Arabisë Saudite si “shkelje flagrante të së drejtës ndërkombëtare dhe të së drejtës ndërkombëtare humanitare”.
Rezoluta shpreh qëndrimin e Parlamentit Evropian, ndërsa vendimi për përfshirjen në listën terroriste i takon Këshillit të BE-së.
