“Lëvizja Vetëvendosje, ndërmarrje kriminale që ka kapur qeverinë”
Presidenti i Kosovës, Hashim Thaçi ka reaguar pasi ushtruesi i detyrës së Ministrit të Punëve të Brendshme dhe Administratës Publike, Xhelal Sveçla, tha se Presidenti i Kosovës mbrëmë ka kaluar kufirin për në Shqipëri dhe për këtë nuk është njoftuar Protokolli i shtetit.
Sveçla ka hedhur dyshime se presidenti Hashim Thaçi mund ta ketë futur mbrëmë deputetin Behgjet Pacollin në Kosovë, teksa ka deklaruar se nëse Thaçi e ka takuar Pacollin, edhe ai do t’i nënshtrohet karantinës ose vetizolimit.
Kreu i shteti te kosoves, Thaçi deklaroi se që nga çlirimi i Kosovës, nga Shqipëria në Kosovë ka hyrë në procedura të njëjta tash e 20 vite/
“Nëse u intereson Sveçlës dhe Kurtit si ndërmarrje kriminale që janë shnderruar e qe ju intereson lokacioni im, unë jam në shtëpi. Edhe sa ju perket masave te tjera u bëj thirrje atyre të mos krijojnë konfuzion, shpifje dhe marrëzira dhe të mos kërcënojnë njerëz të politikës e as deputetë, e në këtë rast as z. Pacolli”, ka deklaruar presidenti Thaçi në Rtv Dukagjini.
“Për ministrin dhe shefin e tij, dhe gjithë te gjithë ndërmarrjen kriminale të tyre u them se lokacioni im është në shtëpi”.
Thaçi thotë se është “shpifje ordinere, kërcënim dhe shantazh” se Pacolli është futur me të në Kosovë.
Eunews.al
