Kancelarja gjermane, Angela Merkel siguroi publikun se qeveria do të mbështeste sektorin kulturor, që ka pësuar humbje të mëdha për shkak të kufizimeve të vendosura për frenimin e koronavirusit.
Në mesazhin e saj të përjavshëm, Merkel tha se po hartoheshin strategji për të siguruar higjienën e duhur dhe respektimin e masave të sigurisë në teatro, salla koncertesh dhe opera, pasi qeveria të lejojë hapjen e tyre.
“Jemi të lumtur për të ndërmarrë hapat e parë drejt jetës së përditshme, veçanërisht në sektorin kulturor”, deklaroi Merkel.
“Kriza që filloi në mars ishte veçanërisht e ashpër për artistët”, theksoi Merkel, duke shtuar se qeveria po shqyrtonte masat e nevojshme për artistët.
Eunews.al
