Komisioni Europian shtyn publikimin e Paketës së Zgjerimit për në Tetor
BRUKSEL – Komisioni Evropian ka shtyrë edhe një herë botimin e Paketës së Zgjerimit, d.m.th. raportet për përparimin e vendeve kandidate dhe kandidatët potenciale për anëtarësim në BE, këtë herë për tetor, raporton Radio Evropa e Lirë.
Kornizat e bisedimeve për Maqedoninë e Veriut dhe Shqipërinë, të cilave së fundmi i’u dha drita jeshile për hapjen e negociatave, do të shpallen në qershor, siç u njoftua.
Sipas Radio Evropa e Lirë, arsyet e vonesës lidhen me burimet njerëzore të pamjaftueshme për të punuar në këtë dokument gjithëpërfshirës, i cili përfshin një analizë të të gjithë procesit të zgjerimit, si dhe raporte për secilin vend individualisht për shkak të COVID-19.
Më herët, u njoftua se raportet me shumë mundësi do të publikohen në qershor, dhe Komisioneri i Zgjerimit Olivér Várhelyi deklaroi këtë disa herë kohët e fundit.
Pakoja e zgjerimit vitit të kaluar u publikua në fund të majit, pas zgjedhjeve të Parlamentit Evropian. Që prej vitit 2018, është planifikuar që raportet të publikohen në prill, por ky është viti i dytë në të cilin, për shkak të rrethanave të jashtme, afati shtyhet.
Nëse publikohet në tetor, raportet pothuajse me siguri do të përfshijnë edhe zgjedhjet e qershorit në Serbi, dhe ndoshta zgjedhjet në Maqedoninë e Veriut dhe Malin e Zi, nëse ato do të mbahen para këtij muaji.
europeanwesternbalkans.com/Eunews.al
