×
Monday, June 14, 2021

Johnson përgënjeshtron akuzat për bllokim të eksportit të vaksinave anti COVID-19

March 10, 2021

Kryeministri britanik, Boris Johnson hodhi poshtë akuzat e Bashkimit Europian për një bllokim nga Britania e Madhe të eksportit të vaksinave kundër koronavirusit.

“Ne nuk kemi bllokuar eksportin e ndonjë vaksine kundër COVID-19 ose ndonjë përbërësi të vaksinës”, theksoi kryeministri britanik para Parlamentit,

“Kjo pandemi na ka vendosur të gjithëve në të njëjtin krah, në luftë për shëndetin në botë. Ne kundërshtojmë nacionalizmin vaksinal me çdo formë”, deklaroi ai gjatë seancës së përjavshme të pyetjeve para Parlamentit.

Në një tekst të publikuar në internet, presidenti i Këshillit Europian, Charles Michel kishte dënuar ndalimet e eksportit nga SHBA-ja dhe Britania e Madhe, gjë që u përgënjeshtrua menjëherë nga ana e Londrës.

Eunews.al

Komente

avatar
  Ndiqe  
Me lajmëro për