Një dron që kishte hyrë gjatë natës në hapësirën ajrore të Lituanisë është rrëzuar nga avionët luftarakë të NATO-s, njoftoi presidenti lituanez Gitanas Nauseda.
Kreu i shtetit nuk dha hollësi për origjinën e mjetit fluturues, por e lidhi incidentin me përshkallëzimin e luftës së Rusisë kundër Ukrainës.
“Një gatishmëri e tillë është jetike për rajonin tonë. Së bashku me aleatët e NATO-s, Lituania do të mbrojë hapësirën e saj ajrore”, deklaroi Nauseda.
Sipas transmetuesit publik LRT, droni u rrëzua në një zonë rurale pranë liqenit të Kaunasit, në pjesën qendrore të vendit.
Autoritetet nuk kanë bërë të ditura rrethanat e incidentit apo qëllimin e dronit. Ngjarja ndodh në një periudhë tensionesh të larta në krahun lindor të NATO-s.
