Bursat europiane arrijnë shifra euforike
Tregjet europiane të aksioneve e filluan javën entuziaste, të galvanizuara nga fjala e kreut të FED-it, si edhe nga rritja e çmimit të naftës, shpresat në përparimin e një vaksine dhe propozimi spektakolar franko-gjerman për një plan europian rimëkëmbjeje prej 500 miliardë eurosh.
Treguesit europianët regjistruan njëfarë euforie të caktuar sot.
Parisi e nisi me + 5,16%, Frankfurti me + 5,67%, Londra me + 4,29%, Madridi me + 4,70% dhe Milano me + 3,26%.
“Kreu i Rezervës Federale Amerikane (FED), deklaroi se institucionit nuk i mungonin “municionet”, gjë që tregon se nëse do të jetë e nevojshme për të mbështetur edhe më shumë ekonominë dhe tregjet, Banka Qendrore amerikane do të jetë gati”, theksoi Alexandre Baradez, analist në “IG France”.
Propozimi i bërë nga Franca dhe Gjermania, pak para mbylljes, për një plan rimëkëmbjeje prej 500 miliardë eurosh përballë ndikimit ekonomik të koronavirusit të ri, i cili do t’i hapë rrugën një bashkimi të borxheve në Kontinentit të Vjetër, bëri të mundur që shpejtësia e lëvizjes të përshpejtohej.
Sipas analistit, edhe rritja e çmimeve të naftës, gjithashtu, pati një efekt në treg.
Eunews.al
