×
Monday, August 15, 2022

BILD organizoi darkën mes Pompeo, Zuckerberg, Ramës dhe liderit të ardhëm të CDU

February 16, 2020

Para dy ditësh, kryeministri Rama publikoi në Facebook, disa foto me shefin e Facebook,  Mark Zuckerberg.

Fotot u shpërndanë menjëherë në mediat online duke nxitur kureshtje e spekulim se ku ishin shkrepur. Ndërsa mendohej se ato ishin bërë në Konferencën e Mynihut, ato janë bërë në fakt në një darkë të organizuar nga media gjermane, BILD.

Kjo e fundit e ka publikuar vetë darkën e organizuar prej saj ku morën pjesë përveç disa prej biznesmenëve më të fuqishëm të Gjermanisë, edhe Sekretari amerikan i Shtetit, Pompeo, shefi i Facebook, Zuckerberg e kryeministri Rama.

Dy shqiptarë kane qenë ne këte darkë privé dhe ekskluzive, Edi Rama dhe Dorian Duçka. EU News.al ka siguruar ekskluzivisht fotot e Dorian Duçkës gjatë darkës së organizuar nga prestigjozja gjermane BILD, ndërsa silueta e tij është shfaqur dhe në njërën prej fotove në shkrimin e BILD.



Më poshtë shkrimi i plotë i BILD-it

Birrë e shërbyer në gota të akullta prej guri, rafte me midhje, kërmij, karkaleca e verë të bardhë, dhe shumë kohë për biseda personale midis CEO-ve, kryeministrave, ministrave, presidentëve të shteteve.

Kjo ishte ‘Ushqim deti dhe Siguri’, darka tradicionale e ‘BILD’ për konferencën e sigurisë së Mynihut në restorantin e ndriçuar nga shandanët, ‘Chez Fritz’.

Presidenti ukrainas, Volodymyr Zelensky bëri shaka në lidhje me kostumet e tij: ‘Herën e parë që kisha kostum ishte gjatë pagëzimit, të dytin për martesë dhe kisha menduar se kostumin e tretë do e kisha në varrimin tim, por tani më duhet t’i mbaj veshur këto gjëra të mallkuara çdo ditë’.

Sekretari amerikan i Shtetit, Mike Pompeo, ishte bashkë me bashkëshorten e tij, Sekretari amerikan i Energjisë, Dan Brouillette, rrëfeu sesi në vitet ’80 kishte qenë ushtar në pikën e kontrollit Charlie në Berlin. Gjeniu i Facebook, Mark Zuckerberg, kërkonte patjetër të bisedonte me shefin e Volkswagen, Herbert Diess.

Të ftuar të tjerë: Bosi i Mercedes-Benz, Ola Källenius, CEO i Lufthansa-s, Carsten Spohr, moderatorja Anna von Bayern, ambasadori amerikan në Gjermani, Richard Grenell, Kryeministri i Shqipërisë, Edi Rama, e ardhmja e CDU-së, Jens Spahn, ministri i Transportit, Andreas Scheuer, Gjenerali i SPD-së, Lars Klingbeil dhe udhëheqësi i grupit rajonal të CSU-së, Alexander Dobrindt.

Bashkëpritës dhe përfaqësues i BILD-it, Paul Ronzheimer: ‘Ushqim deti dhe siguri’ do të thotë që në një atmosferë të relaksuar ka më shumë biseda të hapura për politikën e jashtme sesa kudo tjetër.

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments