×
Tuesday, July 23, 2024

Trump paralajmëron sulm ndaj anijeve iraniane nëse pengojnë ushtrinë e SHBA-së

April 22, 2020


Presidenti amerikan, Donald Trump ka paralajmëruar t’i përgjigjet me sulm anijeve iraniane nëse këto të fundit pengojnë ushtrinë e Shteteve të Bashkuara të Amerikë të cilat janë në det të hapur. Ai tha se ka porositur Marinën amerikane që të kundërpërgjigjet nëse ngacmohen anijet në det.

“Unë e kam udhëzuar Marinën e Shteteve të Bashkuara që të shkatërrojë anijet luftarake iraniane nëse ata ngacmojnë anijet tona në det”, tha Trump përmes një postimi në rrjetin social Twitter.

Urdhri vjen një javë pasi një video e marinës së SHBA-së, tregoi disa anije iraniane me mjete luftarake, që u afroheshin atyre amerikane, ndërsa ato lundronin në Gjirin Persik, afër Kuvajtit.
Marina e SHBA-së tha se në kohën e incidenteve anijet e saj ishin në ujëra ndërkombëtare duke kryer ushtrime.

Marina pohoi se11 anije të Korpusit të Gardës Islamike të Iranit (IRGC) bënë “qasje të rrezikshme dhe ngacmuese” drejt anijeve amerikane. Mirëpo Trump nuk përmendi ndonjë ngjarje specifike si dhe nuk paraqiti detaje të tjera në postimin e tij. Një zëdhënës i ushtrisë iraniane reagoi duke thënë se Shtetet e Bashkuara duhet “të përqendrohen në shpëtimin e forcave të saj të armatosura nga koronavirusi”, raportoi agjencia iranianeve e lajmeve ISNA.

Kujtojmë se tensionet mes Iranit dhe Shteteve të Bashkuara u rritën në janar pasi Shtetet e Bashkuara vranë komandantin e Forcës Quds Irani Qasem Soleimani në një sulm me dron në Irak.

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments