Tensionet SHBA-Iran, Trump: Europa të tërhiqet nga marrëveshja bërthamore me Iranin
Në një fjalim drejtuar kombit amerikan pas përshkallëzimit të konfliktit me Iranin Presidenti i SHBA-së Donald Trump deklaroi se do të vazhdojë t’i përgjigjen agresionit iranian.
Ai paralajmëroi vendosjen e sanksioneve të reja ekonomike ndaj Iranit por nuk zbuloi asnjë detaj më tepër.
Ndërsa për sa i përket sulmeve të fundit me raketa nga Irani, Trump qetësoi qytetarët duke u thënë se asnjë shtetas amerikan nuk mbeti i vrarë.
Gjithashtu kreu i Shtëpisë së Bardhë deklaroi se do të dërgojë një kërkesë NATO-s për një përfshirje më të madhe në Lindjen e Mesme.
Donald Trump e ka përshkruar vrasjen e gjeneralit iranian Qassem Suleimani si veprim vendimtar për të ndaluar një terrorist të pamëshirshëm.
“Nëse e doni jetën tuaj, nuk duhet të kërcënoni qytetarët amerikanë” – iu drejtohet Iranianëve.
Ai po i bën thirrje Europës që të tërhiqet nga marrëveshja bërthamore e Iranit, të cilën ai e quajti një marrëveshje “marrëzie”.
Eunews.al
