×
Friday, December 3, 2021

Rriten tensionet midis Turqisë dhe Greqisë, shkak ‘kufijtë detarë’

December 14, 2019

Marrëdhëniet diplomatike midis Turqisë dhe Greqisë duken se kanë regjistruar një tjetër krizë për shkak të nënshkrimit më 27 Nëntor të marrëveshjes Turqi-Libi mbi kufijtë detarë. Kjo marrëveshje e cila përcakton një koridor detar midis brigjeve turke dhe atyre të Libisë kalon në të ashtëquajturën ‘zonën detare të ishujve grekë’. Koncept i cili hidhet poshtë nga Turqia, e cila nuk e ka ratifikuar Konventën e OKB-së mbi Ligjin e Detit dhe për këtë arsye nuk është e detyruar të njohë zonën detare të ishujve.

Për këtë çështje Greqia ka informuar aleatët e saj në NATO, BE dhe OSBE, përfshirë Kinën ,Rusinë dhe Izraelin. I menjëhershëm ka qenë mbështja e BE-së ndaj Greqisë, duke e cilësuar marrëveshjen Turqi-Libi të 27 nëntorit, në kundërshtim me të drejtën ndërkombëtare. Shefi i politikës së jashtme të BE-së, Josep Borrell, u shpreh se marrëveshja Turqi-Libi ka shaktuar ‘shqetësime të mëdha’ në Bruksel, duke shprehur mbështetjen e tij me Greqinë.

Për shkak të marrëveshjes, Ministri i Jashtëm grek Nikos Dendias, njoftoi më 6 dhjetor se ka kërkuar largimin e ambasadorit të Libisë në Greqi. Ky qëndrim u konsiderua “i papranueshëm” nga Ministri i Jashtëm i Libisë.

Ekspertë të fushës së sigurisë shprehen se veprimet e fundit të Athinës dhe Ankarasë e bëjnë akoma më të mundshëm një përballje ushtarake. Në bazë të asaj që raportohet nga Al Jazeera qeveria e Mitsotakis ka vendosur të dërgojë anije lufte në Kretë si kundërpërgjigje e deklaratave të Ankarasë.

Eunews.al

Komente

avatar
  Ndiqe  
Me lajmëro për