Kryeministri Edi Rama deklaroi se rreth 11 mijë fëmijë dhe të rinj me aftësi të kufizuara përfitojnë nga vendimi i qeverisë për dyfishimin e mbështetjes ekonomike, duke e cilësuar këtë një hap të rëndësishëm në forcimin e mbrojtjes sociale për këtë kategori.

Gjatë një bashkëbisedimi në Qendrën Sociale “Jonathan”, së bashku me ministren e Shëndetësisë dhe Mirëqenies Sociale, Evis Sala, Rama foli për masat e reja që përfshijnë jo vetëm rritjen e mbështetjes financiare për fëmijët dhe të rinjtë me aftësi të kufizuara, por edhe garanci të reja shëndetësore dhe shoqërore për kujdestarët e tyre.

“Me shumë dashuri dhe shpresë zgjodhëm këtë vend për të folur pak më gjerë për vendimin e marrë para pak javësh, kur qeveria realizoi dyfishimin e mbështetjes për të gjithë fëmijët që janë me aftësi të veçanta”, u shpreh kryeministri.

Rama pranoi se niveli i mëparshëm i mbështetjes nuk ishte më i mjaftueshëm për të përballuar kostot në rritje të jetesës.

“Prej një kohe të gjatë mbështetja për këta fëmijë ishte bërë realisht e pamjaftueshme. Jo se tani është e mjaftueshme, por ishte bërë realisht e pamjaftueshme duke pasur parasysh kostot e jetesës dhe vështirësitë e tjera. Ne premtuam dyfishimin e mbështetjes për ta dhe sot është realitet”, tha ai. buxheti i shtetit do të paguajë sigurimet shoqërore dhe shëndetësore për të gjithë kujdestarët, sikur ata të ishin të punësuar.

Kryeministri u ndal edhe te vendimi i qeverisë për të mbuluar sigurimet shoqërore dhe shëndetësore të kujdestarëve, veçanërisht të nënave që kujdesen për fëmijët me aftësi të kufizuara.

“Një nënë që i përkushtohet një fëmije me aftësi të veçanta e ka të pamundur të punojë normalisht. Duke qenë se nuk shkon dot në punë, përballet me mungesën e sigurimeve shoqërore dhe shëndetësore, gjë që e cenon padrejtësisht edhe mundësinë për të marrë një pension të merituar nesër apo për të pasur akses në sistemin shëndetësor”, deklaroi Rama.

Ai bëri të ditur se