Përçarje në Uashington? J. D. Vance vë në dyshim raportimet e Pentagoni për luftën me Iranin
Zëvendëspresidenti i SHBA-së, J. D. Vance, ka ngritur dyshime mbi vlerësimet zyrtare të Pentagoni lidhur me suksesin e operacioneve ushtarake kundër Iranit, sipas raportimit të The Atlantic.
Sipas burimeve, Vance ka shprehur privatisht shqetësime për saktësinë e të dhënave, veçanërisht mbi rezervat e raketave amerikane, duke vënë në pikëpyetje nëse situata po paraqitet në mënyrë reale nga udhëheqja ushtarake.
Raporti thekson gjithashtu rritjen e tensioneve mes tij dhe Sekretarit të Mbrojtjes, Pete Hegseth, i cili mbështet fuqimisht qëndrimin e Donald Trump për një fushatë të suksesshme ushtarake.
Në takime të mbyllura, Vance ka ngritur vazhdimisht pyetje mbi mundësinë që Departamenti i Mbrojtjes i SHBA-së të ketë nënvlerësuar rënien e rezervave të municioneve, një zhvillim që mund të ketë pasoja serioze për gatishmërinë ushtarake të SHBA-së në skenarë të tjerë globalë.
Nga ana tjetër, Pete Hegseth dhe Dan Kaine kanë deklaruar publikisht se rezervat amerikane mbeten të forta dhe kanë përshkruar humbjet e forcave iraniane si të konsiderueshme pas javësh përballjeje.
Megjithatë, sipas këshilltarëve të tij, Vance i ka paraqitur këto shqetësime si vlerësime personale dhe jo si akuza të drejtpërdrejta ndaj drejtuesve ushtarakë, duke theksuar nevojën për transparencë dhe vlerësim të saktë të situatës.
