×
Monday, August 15, 2022

Koronavirusi, mbi 216 mijë të infektuar në SHBA

April 2, 2020

Shtetet e Bashkuara kanë aktualisht mbi 216 mijë raste, ose thuajse një të katërtën e rasteve me koronavirus në botë, që numërohen në mbi 956 mijë.

Numri i viktimave në SHBA shkoi në mbi 5100 vetë të enjten, ndër to edhe një foshnje gjashtë javëshe në një spital në Konektikat.

Presidenti Trump, i cili është kritikuar sepse fillimisht u përpoq të ulte në komentet e tij rrezikun nga virusi, ka mobilizuar reagimin e qeverisë federale për ta vënë nën kontroll epideminë.

Më shumë se tre të katërtat e amerikanëve janë nën urdhra për të reduktuar ose ndalur aktivitetin e përditshëm. Në popullatën e ndikuar janë edhe dhjetëra mijëra të burgosur, të cilët u njoftuan të mërkurën se do të mbahen të mbyllur në qeli.

Parqe kombëtare, ndër to edhe Kanioni i Madh janë mbyllur për të mos lejuar turistë. Qyteti i Nju Jorkut ka mbyllur pistat publike të basketbollit, në një kohë që përballet me goditjen më të rendë të epidemisë në Shtetet e Bashkuara.

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments