Delegacioni i BE në Shqipëri: Shijoni nga shtëpia turin virtual 3D të Muzeut Marubi

Delegacioni i BE-së në Shqipëri u shpreh sot se Muzeu Marubi mund të vizitohet në 3D, pa qenë nevoja të shkohet në Shkodër.

Delegacioni i BE-së shprehet se “nuk keni pse shkoni në Shkodër për të vizituar Muzeun Marubi. Derisa muzeu të hapet përsëri, ju dhe të dashurit tuaj mund t’i hidhni një sy turit virtual 3D dhe të mësoni më shumë rreth historisë së tij të pasur nga rehatia e shtëpisë tuaj”.

Po ashtu Delegacioni i BE-së në Shqipëri postoi likun ku mund të vizitohet online, Muzeu Marubi.