Aliyev: Azerbajxhani po forcon sigurinë energjetike të Evropës, synon zgjerimin e eksporteve të energjisë së gjelbër
Presidenti i Azerbajxhanit, Ilham Aliyev, deklaroi se vendi i tij po luan një rol të rëndësishëm në forcimin e sigurisë energjetike të Evropës, duke theksuar se bashkëpunimi me vendet evropiane do të zgjerohet edhe më tej.
“Kjo është një kontribut i rëndësishëm për sigurinë energjetike të Evropës”, u shpreh Aliyev.
Ai bëri të ditur se Azerbajxhani vazhdon të eksportojë naftë bruto edhe drejt Gjermanisë, ndërsa në të ardhmen synon të thellojë bashkëpunimin përmes eksportit të energjisë së gjelbër në tregun evropian.
Sipas presidentit azerbajxhanas, partneriteti energjetik me vendet e Evropës do të fokusohet në diversifikimin e burimeve të furnizimit me energji dhe në rritjen e sigurisë energjetike të kontinentit.
Gjermania, e cila në të kaluarën mbështetej në furnizimet me gaz natyror nga Rusia, po kërkon të zgjerojë burimet alternative të energjisë pas ndryshimeve të shkaktuara nga lufta në Ukrainë dhe reduktimit të importeve ruse.
