ksportet e mallrave të Britanisë së Madhe për në Bashkimin Europian ranë me 40,7 % në janar, ndërsa importet me 28,8%, njoftoi sot Zyra për Statistikat Kombëtare (ONS), sipas BBC.
Shifrat tregojnë rënien më të madhe që kur filluan regjistrimet në 1997 dhe janë të parat që kur rregullat e reja të tregtisë midis BM dhe BE hynë në fuqi.
“Vlera e mallrave të eksportuara nga BM në BE ra me 5,6 miliardë stërlina në janar 2021, ndërsa importet nga BE me 6,6 miliardë stërlina”, shtoi institucioni.
ONS tha se rënia e mallrave që vinin në vend u pa kryesisht në makineritë dhe pajisjet e transportit dhe kimikatet nga BE.
Sipas ONS, pas kësaj rënieje të madhe, ka të ngjarë të qëndrojnë faktorë të përkohshëm.
Importet e makinave, si edhe produktet medicinale dhe farmaceutike, ishin ato që u prekën veçanërisht.
Firma e kontabilitetit KPMG shenjestroi Brexit-in si fajtorin e mundshëm për kolapsin në tregtinë midis BM dhe BE.
Në të kundërt, tregtia e BM me vendet jo-BE u rrit me 1,7% në janar.
Eunews.al
