Balla: Sulmet e Berishës ndaj përfaqësuesve të BE të ulta. 90% e shqiptarëve mbështesin anëtarësimin e Shqipërisë në BE
Kryetari i Grupit Parlamentar të Partisë Socialiste Taulant Balla deklaron se sulmet e ulta dhe të pabaza të kryetarit de facto të SHQUP-it Sali Berisha kundër përfaqësuesve të Bashkimit Europian, janë konfirmim i pamundësisë së kësaj partie për tu reformuar dhe çliruar nga zaptimi 30 vjeçar i një sekretari të PP.
Përmes një postimi në rrjetin social facebook numri dy i PS, Balla teksa ka shpërndarë edhe reagimin e komisionerit Varhelyi, thekson se këto sulme konfirmojnë edhe pamundësinë e drejtorit de jure të PD Lulezim Basha për tu distancuar nga kjo politikë qorre. Qoftë kur sulmohen partnerët e Shqipërisë apo përfaqësuesit e tyre, qoftë kur sulmohen dhe vandalizohen institucionet apo prona publike.
Sipas Ballës, Më shumë se 90% e shqiptarëve mbështesin fuqimisht anëtarësimin e Shqipërisë në Bashkimin Europian.
Postimi i plote i Taulant Ballës:
Sulmet e ulta dhe të pabaza të kryetarit de facto të SHQUP-it Sali Berisha kundër përfaqësuesve të Bashkimit Europian, janë konfirmim i pamundësisë së kësaj partie për tu reformuar dhe cliruar nga zaptimi 30 vjeçar i një sekretari të PP.
Ato konfirmojnë edhe pamundësinë e drejtorit de jure të PD Lulezim Basha për tu distancuar nga kjo politikë qorre. Qoftë kur sulmohen partnerët e Shqipërisë apo përfaqësuesit e tyre, qoftë kur sulmohen dhe vandalizohen institucionet apo prona publike.
Më shumë se 90% e shqiptarëve mbështesin fuqimisht anëtarësimin e Shqipërisë në Bashkimin Europian. Mirënjohje BE dhe përfaqësuesve të saj për angazhimin e vazhdueshëm në dobi të reformave si dhe në programet e shumta të asistencës dhe ndihmës për Shqipërinë.
🇦🇱🇪🇺
Eunews.al
