Reformat, opinionet e Venecias dhe situata COVID-19, Balla bashkëbisedim me raporteren për Shqipërinë në PE, Isabel Santos
Kryetari i Grupit Parlamentar të Partisë Socialiste Taulant Balla zhvilloi një bashkëbisedim online me raporteren për Shqipërinë në Parlamentin Europian, Maria Isabel Santos dhe Ambasadorin e Delegacionit të Bashkimit Europian në Shqipëri, Luigi Soreca.
Përmes një postimi në Twitter Balla deklaron se temë e diskutimit të këtij takimi ishin reformat kryesore që ka ndërmarë Shqipëria, procesi i rindërtimit si dhe situata ekonomike e krijuar nga pandemia COVID-19.
Sipas Ballës një temë tjetër diskutimi me raporteren për Shqipërinë në PE, Santos ishin edhe opinionet e Komisionit të Venecias që duhen adresuar, veçanërisht për Ligjin e mediave.
Postimi i plotë i Taulant Ballës në Twitter:
Zhvillova një diskutim të shkëlqyer me raporteren e Parlamentit Europian
Isabel Santos dhe Ambasadorin e BE-së, Luigi Soreca mbi reformat kryesore që po ndodhin; mbi procesin e rindërtimit; mbi situatën COVID-19 dhe rimëkëmbjen ekonomike; mbi opinionet e Komisionit të Venecias që duhen adresuar, veçanërisht për Ligjin e mediave.
Eunews.al
