Mali i Zi bashkohet me mekanizmat e BE për blerjen e përbashkët të medikamenteve mjekësore
Qeveria e Malit të Zi dje nënshkroi një Marrëveshje për prokurimin e përbashkët të ilaçeve, furnizimeve mjekësore dhe mallrave të tjera.
Me zbatimin e kësaj marrëveshje, Mali i Zi, krahas Shteteve Anëtare të BE-së si: Islanda, Lihtenshtajni, Shqipëria, Bosnje Hercegovina, Serbia, Kosova dhe Maqedonia e Veriut, do të bëhen pjesë e mekanizmave të krijuar nga BE për të siguruar më shpejt, më me efikasitet dhe racional prokurimin e ilaçeve, furnizimeve mjekësore dhe mallrave apo shërbimeve të tjera që synojnë luftimin e kërcënimeve serioze ndërkufitare për shëndetin, thuhet në njoftimin për shtyp të qeverisë malazeze.
“Urime Malit të Zi për bashkimin e mekanizmit për blerjen e përbashkët të furnizimeve mjekësore, marrjen e ilaçeve dhe pajisjeve më të shpejtë për qytetarët. Kjo tregon që tashmë është pjesë e familjes evropiane ”, u shpreh Aivo Orav, Ambasadori i BE në Mal të Zi.
Ndërsa zëvendëskryeministri Milutin Simović, i cili nënshkroi Marrëveshjen në emër të Qeverisë së Malit të Zi, theksoi se këtë herë dhe kjo krizë duhet të tregojë dhe konfirmojë forcën, solidaritetin dhe idenë e një Evrope të bashkuar dhe angazhimin e vërtetë për të bërë familjen e kombeve evropiane dhe shtetet më të mëdha dhe më të forta me anëtarët e rinj dhe me Malin e Zi si vendi tjetër anëtar i BE-së.
“Masat vendimtare dhe të përgjegjshme të ndërmarra nga Qeveria e Malit të Zi në kohën e duhur, punën e përkushtuar ditore të të gjitha institucioneve kompetente, dhe veçanërisht mirëkuptimin dhe disiplinën e qytetarëve, të forcuara nga solidariteti i jashtëzakonshëm i qytetarëve të Malit të Zi, sipërmarrësve, diaspora, BE dhe miqtë ndërkombëtarë, tashmë po japin rezultate dhe tregojnë se ne jemi përpara sfidës së përmasave globale”, tha Simović.
BE ka ndarë ndihmë emergjente në pajisjet mjekësore në vlerë prej 3 milion euro dhe 50 milion ndihmë afatgjatë për të adresuar efektet e pandemisë në sektorët më të prekur nga kriza COVID-19.
Eunews.al
