×
Friday, August 12, 2022

Koronavirusi, rritje rekord e numrit të papunësisë në Spanjë

April 2, 2020

Spanja ka humbur pothuajse 900,000 vende të punës prej kur ka nisur zbatimin e masave të ashpra kundër koronavirusit, një tjetër shenjë për ndikimin që do të ketë kjo sëmundje në ekonominë e Evropës.

Të dhënat tregojnë se 898,822 persona kanë humbur vendet e tyre të punës prej kur ka nisur masa e izolimit, duke përfshirë rreth 550,000 punëtorë të përkohshëm.

Shkalla e papunësisë në Spanjë është rritur në 3.5 milionë, duke shënuar shifrën më të lartë nga prilli i vitit 2017.

“Kjo është situatë absolutisht e pashembullt”, ka thënë Ministrja e Punës, Yolanda Díaz në një konferencë për media.

Sektori i turizimit dhe ndërtimtarisë kanë përjetuar goditjen më të rëndë.

Spanja ka ndaluar daljet jo të domosdoshme dhe ka mbyllur shumicën e bizneseve deri në mesin e muajit mars.

Deri më tani është raportuar për më shumë se 10,000 të vdekur si pasojë e sëmundjes Covid-19 që shkakton koronavirusi në këtë shtet.

Në gjithë botën, numri i të infektuarve ka arritur gati shifrën 1 milion, derisa janë regjistruar më shumë se 47,000 vdekje, sipas të dhënave të Universitetit, Johns Hopkins.

Sipas këtyre të dhënave del se rreth 195,000 persona janë shëruar.

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments