Klodiana Spahiu ka bërë betimin para Presidentit të Republikës, Bajram Begaj, duke marrë zyrtarisht detyrën e ministres së Shëndetësisë.
Emërimi i saj u miratua më herët nga Kuvendi me 79 vota pro.
Spahiu zëvendëson në këtë post Evis Salën, e cila dha dorëheqjen për t’iu përkushtuar projekteve në fushën akademike.
Pas ceremonisë së betimit, ministrja e re mori pjesë në mbledhjen e qeverisë, duke shënuar paraqitjen e saj të parë zyrtare në këtë funksion.
Emërimi i Spahiut i parapriu ndryshimeve të tjera në kabinetin qeveritar, të njoftuara sot nga kryeministri Edi Rama.
Besfort Lamallari u lirua nga detyra e ministrit të Brendshëm dhe do t’i bashkohet ekipit të Ramës si këshilltar në Kryeministri.
Drejtimin e Ministrisë së Brendshme do ta marrë Ervin Demo, i cili deri tani mbante postin e ministrit të Pushtetit Vendor.
