Conte mbron reformën e Mekanizmit Europian të Stabilitetit
Kryeministri italian, Giuseppe Conte argumentoi përpara parlamentit një reformë të Mekanizmit Europian të Stabilitetit (ESM) në funksion të një votimi vendimtar në Romë mbi masën e BE.
Të dy dhomat e parlamentit do të votojnë për reformën gjatë ditës, pas së cilës ajo do të konfirmohet nga Bashkimi Europian gjatë një samiti të enjten dhe të premten.
Italia ka qenë prej kohësh kundër reformës së MES, e cila siguron ndihmë financiare për vendet e euros në vështirësi, së bashku me kushte të rrepta.
Reforma synon gjithashtu të forcojë sistemin bankar europian.
Në vërejtjet e tij për parlamentin, Conte bëri thirrje për unitet evropian dhe renditi çështjet që BE do të duhet të trajtojë në muajt e ardhshëm, duke përfshirë pandeminë e koronavirusit, terrorizmin dhe migracionin, por edhe probleme të brendshme të tilla si një mosmarrëveshjet në BE me Hungarinë dhe Poloninë mbi temat e buxhetit.
“Aspekti i Bashkimit Europian po ndryshon për momentin dhe ne jemi të bindur se Europa e re do të kapërcejë pozicionin e ngurtë drejt kursimit,” theksoi Conte.
MES është politikisht toksike në Romë sepse Lëvizja Pesë Yjet (M5S) dhe opozita e krahut të djathtë e shohin atë si një mjet përmes të cilit BE mund të imponojë masa shtrënguese në vendet me shumë borxhe si Italia.
Eunews.al
