Qarkullimi i trenave me shpejtësi të lartë në linjën Madrid-Andaluzia të Spanjës u ndërpre në të dy drejtimet, pasi dy trena u përplasën, raportoi transmetuesi RTVE.
“Një tren me shpejtësi të lartë goditi nga pas një tren tjetër që po udhëtonte drejt jugut; të dy ishin nisur për në Andaluzi”, thanë burime nga operatori i infrastrukturës hekurudhore Adif.
Aksidenti raportohet të ketë ndodhur në mëngjes në komunën e Toledos.
Në kohën e raportimit, shkaku i përplasjes dhe nëse kishte persona të lënduar mbeteshin të panjohur.
