9 Maji/ Evropa feston unitetin dhe paqen në Ditën e Evropës

Çdo vit më 9 maj, vendet anëtare të Bashkimi Evropian festojnë Dita e Evropës, një moment reflektimi mbi bashkëpunimin, paqen dhe prosperitetin e arritur në kontinent.

Kjo datë përkujton Deklarata e Shumanit, e shpallur më 9 maj 1950 nga ministri i Jashtëm francez Robert Schuman, i cili propozoi një formë të re bashkëpunimi që do të parandalonte konfliktet në Evropë dhe do të hidhte themelet e integrimit evropian.

Deklarata konsiderohet si hapi i parë drejt krijimit të Bashkimit Evropian, duke hapur rrugën për një epokë të re paqeje dhe bashkëpunimi ndërmjet vendeve evropiane.

Në një mesazh të publikuar në faqen zyrtare të BE-së, theksohet rëndësia e unitetit në një botë gjithnjë e më sfiduese, duke nënvizuar nevojën për forcimin e sigurisë, prosperitetit dhe mbrojtjes së vlerave demokratike.

Festimet e këtij viti janë të veçanta, pasi shënojnë 40-vjetorin e anëtarësimit të Portugalia dhe Spanja në Bashkimin Evropian, si dhe 40 vite nga festimet e para zyrtare të Ditës së Evropës dhe përdorimi publik i simboleve të BE-së.

Për këtë rast, institucionet evropiane në Brukseli dhe në vende të tjera të BE-së kanë hapur dyert për publikun, duke ftuar qytetarët të vizitojnë ambientet e tyre dhe të njohin më nga afër funksionimin e unionit.

Dita e Evropës mbetet një mundësi për të forcuar lidhjen mes institucioneve dhe qytetarëve, si dhe për të promovuar vlerat e përbashkëta dhe rolin e BE-së në arenën ndërkombëtare.