Rutte: Evropa e kuptoi mesazhin e Trump për Iranin “me zë të lartë dhe të qartë”
Udhëheqësit evropianë e kanë marrë mesazhin e Donald Trump për Iranin “me zë të lartë dhe të qartë” dhe po ndërmarrin hapa konkretë, deklaroi sekretari i përgjithshëm i NATO-s, Mark Rutte.
Duke folur pas mbërritjes në një samit në Armeni, Rutte tha se Shtetet e Bashkuara janë shprehur të zhgënjyera me reagimin e Evropës ndaj situatës së fundit në Lindjen e Mesme.
“Shtetet e Bashkuara u zhgënjyen disi nga reagimi evropian ndaj situatës aktuale në Lindjen e Mesme”, u shpreh ai.
Rutte shtoi se sipas komunikimeve të tij me liderët evropianë, mesazhi amerikan është kuptuar qartë dhe nuk ka pasur keqinterpretim.
“Do të thoja se, bazuar në atë që më thonë kontaktet e mia me udhëheqësit evropianë, ata e kuptuan mesazhin e SHBA-së në mënyrë të përsosur”, theksoi ai.
Deklarata vjen në një moment tensionesh të shtuara mes Uashingtonit dhe disa kryeqyteteve evropiane, mes debateve për sigurinë dhe praninë ushtarake amerikane në Evropë.
