×
Friday, December 3, 2021

Rama: Brenda 2021 shtëpi të reja për çdo familje të prekur nga tërmeti. Raporti po përgatitet nga ekspertë të BE dhe OKB

December 14, 2019

Kryeministri Edi Rama tha se brenda vitit 2021 personat që kanë humbur apartamentet e tyre nga tërmeti i 26 nëntorit do të kenë shtëpitë e reja. Ndërsa brenda vitit 2020, tha ai, banorët që kanë humbur shtëpitë në fshatra, do të akomodohen në shtëpitë e tyre të reja.

Gjatë një videomesazhi në Facebook, Kryeministri tha se deri tani Qeveria ka bërë më të mirën, edhe pse me siguri ka pasur plot të meta dhe gabime.

“Kemi sistemuar në kohë rekord mijëra e mijëra njerëz, që nga hotelet me 4 dhe 5 yje, shtëpitë dhe apartamente me qira. Kemi sistemuar edhe mijëra të tjerë në çadra dimërore në zonën e fshatit, nga ku me të drejtë nuk duan të lëvizin. Kemi angazhuar qindra ekspertë për të konstatuar shkallën e dëmeve. Kemi nisur punën e rindërtimit për njerëzit në nevojë me organizatat solidare, por edhe me arkitektë vendas dhe të huaj për rindërtimin e banesave”, tha Rama.

Kryeministri shtoi se konferenca ndërkombëtare e donatorëve do të mbahet në Tiranë ndërsa tha se për këtë po përgatitet edhe një raport i detajuar me dëmet dhe pasojat nga tërmeti. “Raporti po shkruhet në bashkëpunim me ekspertë të BE dhe OKB të spoecializuar në këtë aspekt. Brenda vitit 2020 askush të mos mbetet pa perspektivën e qartë dhe konkrete. Brenda vitit 2020 të gjithë banorët që e kanë humbur shtëpinë, ta gëzojnë vitin e ri në një shtëpi të re, shumë më të bukur. Nbrenda qershorit 2021, të gjithë bajnorët që kanë h8umbur shtëpitë në qytete që kanë humbur shtëpitë të jenë me apartamente të reja”, deklaro kryeministri Rama.

Eunews.al

Komente

avatar
  Ndiqe  
Me lajmëro për