×
Wednesday, August 10, 2022

Koronavirusi, Posta Shqiptare: Shpërndarja e pensioneve në shtëpi do të vijojë edhe gjatë muajit Maj

May 5, 2020

Posta shqiptare ka njoftuar se do të vijojë shpërndarjen e pensioneve në shtëpi për të gjithë pensionistët , sipas të dhënave të dërguara në adresat e kontaktit edhe përgjatë muajit Maj.

Përmes një njoftimi Posta Shqiptare deklaron se shpërndarja e pensioneve, do të vijojë të realizohet sipas grafikut të përcaktuar, për të cilin të gjithë pensionistët janë në dijeni.

Referuar fotove që po qarkullojnë në disa media sociale dhe portale, Posta Shqiptare sqaron se ato pjesërisht nuk i përkasin ambienteve të jashtme të zyrave postare

Njoftimi i Postës Shqiptare:

Të nderuar qytetarë 😊

Ju bëjmë me dije se edhe përgjatë muajit Maj, Posta Shqiptare do të vijojë shpërndarjen e pensioneve në shtëpi 🏡 për të gjithë pensionistët 👵🧓🏻 e Republikës së Shqipërisë 📍, sipas të dhënave të dërguara në adresat tona të kontaktit.

Shpërndarja e pensioneve, do të vijojë të realizohet sipas grafikut të përcaktuar 🗓, për të cilin të gjithë pensionistët janë në dijeni.

Referuar fotove që po qarkullojnë në disa media sociale dhe portale, sqarojmë se ato pjesërisht nuk i përkasin ambienteve të jashtme të zyrave tona postare, por është e vërtetë që një pjesë e tyre janë në zyrat postare.

Në fotot e publikuara duket qartë prezenca e Policisë së Shtetit 👮🏻‍♂️, të cilët gjejmë rastin ti falenderojmë për kontributin e tyre.

Në këtë situatë, është e pamundur të respektohen rregullat pa bashkëpunimin e të gjithë qytetarëve.

Duke mirëkuptuar shqetësimin e pensionistëve për marrjen e pensioneve në kohë, kërkojmë nga ana e tyre respektimin e Urdhërit të Ministrisë së Shëndetësisë nr.156, datë 10.03.2020 për ‘‘Marrjen e masave të veçanta në parandalimin e perhapjes së infeksionit të shkaktuar nga COVID -19’’ i cili kufizon lëvizjen e lirë të kësaj kategorie si mosha më e rrezikuar nga COVID-19. 🦠

Grumbullimi i pensionistëve në ambientet e zyrave postare nuk përshpejton procedurën e ndarjes së tyre, por krijon pengesë në punën e punonjësve të zyrave postare, të cilët gjatë kësaj periudhe kohe kanë punuar dhe po punojnë me shumë përkushtim në përfundimin me sukses të këtij shërbimi që për ne tashmë është një sfid prej më shumë se dy muajsh.

Për çdo paqartësi mund të na kontaktoni në rrjetet tona sociale dhe në numrat e vënë në dispozicion, nga e hëna – premte, ora ⏰08:30-16:30⏰

Posta Shqiptare, gjithmonë pranë jush!❤

Shpejt.Sigurt.Kudo. 🚲🛵

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments