Eurodeputetët thirrje KE-së: Shqipëria e meriton të ecë përpara drejt anëtarësimit në BE
Eurodeputetët nga grupet kryesore politike, anëtarë të Komitetit të Politikës së Jashtme në Parlamentin Europian, duke i kërkuar Këshillit miratimin e kuadrit të negociatave me Shqipërinë dhe Maqedoninë e Veriut në takimin e sotëm të Ministrave të Çështjeve Europiane.
Në deklaratën e publikuar në faqen zyrtare të PE-së, 24 eurodeputetët nënvizojnë përpjekjet e gjithëanëshme në reforma, në mënyrë të veçantë në fushën e drejtësisë, gjatë viteve të fundit, sikurse vlerësohet edhe në vlerësimin e Komisionit Europian.
Eurodeputetët i kërkojnë Këshillit të shmangin shtyrjen e bisedimeve të pranimit në BE
Në prag të takimit të ardhshëm të Ministrave të Çështjeve Europiane të BE-se, eurodeputetët i bëjnë thirrje Këshillit të miratojë kornizat negociuese për nisjen e negociatave të anëtarësimit me Maqedoninë e Veriut dhe Shqipërinë.
Në deklaratën për Maqedoninë e Veriut dhe Shqipërinë, të nënshkruar nga më shumë se 20 eurodeputetë, përfaqësues të grupeve politike nxisin të gjitha palët e përfshira për të gjetur një zgjidhje për të siguruar që negociatat e pranimit të fillojnë para fundit të vitit.
Duke paralajmëruar se bllokimi aktual i negociatave të anëtarësimit me Maqedoninë e Veriut dhe Shqipërinë po rrezikon besueshmërinë e Bashkimit Evropian në Ballkanin Perëndimor, ata i bëjnë thirrje Bullgarisë dhe Maqedonisë së Veriut të gjejnë një kompromis mbi çështjet dypalëshe në pritje për të shmangur shtyrjen e metejshme te procesit të pranimit.
Bullgaria duhet të miratojë hapjen e konferencës ndërqeveritare me Maqedoninë e Veriut sa më shpejt të jetë e mundur dhe në çdo rast në dhjetor, duke pranuar kështu përpjekjet e vendit në procesin e pranimit në BE. Maqedonia e Veriut, në rolin e saj si një vend i ardhshëm i per t’u pranuar ne BE, duhet gjithashtu të bëjë çdo përpjekje të mundshme për të zgjidhur çështjet e pazgjidhura, theksojnë eurodeputetët në deklaratën e tyre.
Shqipëria gjithashtu meriton të avancoje në rrugën e saj drejt pranimit në BE, thonë deputetët e Europës, duke treguar përpjekjet e saj gjithëpërfshirëse për të reformuar, veçanërisht në sektorin e drejtësisë, gjatë viteve të fundit, si dhe vlerësimin pozitiv të Komisionit. Ata shtojnë se Shqipëria duhet të rrisë përpjekjet edhe në disa fusha, në rrugën e saj për të përmbushur të gjitha kushtet e paraqitura në Konkluzionet e Këshillit.
Letra e plotë:
Eunews.al
