COVID-19/ Krijuesi i vaksinës Pfizer-BioNtech: normaliteti vetëm nga dimri i ardhshëm
Ndikimi i vaksinës së kovidit do të jetë i rëndësishëm që në verë dhe do të kthehet në jetën normale dimrin e ardhshëm. Një nga krijuesit e vaksinës, profesori Ugur Sahin, bashkëthemelues i BioNTech i cili është duke zhvilluar ilaçin me Pfizer, është i bindur për këtë.
Sipas Sahin, raporton BBC, ky dimër do të jetë ende i vështirë pasi vaksina nuk do të ketë ende një ndikim të madh në numrat pandemikë. Javën e kaluar, BioNTech dhe Pfizer njoftuan se vaksina e tyre mund të jetë 90% efektive sipas analizave paraprake.
Nëse gjithçka vazhdon të shkojë mirë, tha ai, vaksina do të fillonte të shpërndahej në “fund të këtij viti, fillim të vitit të ardhshëm”.
Ai tha se qëllimi ishte të jepeshin më shumë se 300 milion doza në të gjithë botën deri në Prillin e ardhshëm, të cilat “mund të na lejonin që vetëm të fillojmë të bëjmë një ndikim”.
Ai tha se ndikimi më i madh do të ndodhte më vonë, duke shtuar: “Vera do të na ndihmojë sepse shkalla e infeksionit do të ulet në verë dhe ajo që është absolutisht thelbësore është që ne të marrim një normë të lartë vaksinimi deri ose para vjeshtës / dimrit të vitit të ardhshëm”.
Sahin gjithashtu shpjegoi se efektet anësore që ata kanë provuar deri më tani nuk janë serioze: dhimbje e lehtë deri mesatare për disa ditë në vendin e injeksionit, ndërsa disa nga vullnetarët që u është injektuar vaksina kanë regjistruar për një periudhë të ngjashme një ethe të lehtë deri mesatare.
Eunews.al
