×
Saturday, July 13, 2024

Austria rihapet, por vetëm 1% e popullsisë është infektuar: Rreziku i kthimit të COVID-19

April 14, 2020


Për shumë vende të Evropës të prekura nga Covid-19 po shqyrtohen projeksionet e të ashtëquajturës fazes së dytë që ka të bëjë me rihapjen graduale të disa aktivitetetve ekonomike dhe heqjen në mënyrë graduale të masave për kufizimin e lëvizjes së qytetarëve. Duket se vendet e Bashkimit Evropian për shkak edhe të impaktit të ndryshëm të pandemisë kanë qasje të ndryshme në lidhje me periudhën e kalimit në fazën dy. Austria me deklaratën e kryeministrit duket se po e mendon seriozisht kalimin në fazën e dytë.

Megjithatë një studim i fundit ka ngritur dyshime nëse ky është momenti i duhur. Më pak se 1% e popullatës austriake është “infektuar seriozisht” me koronavirus. Kjo deklarohet nga hulumtimi i ri mbi një kampion përfaqësues prej mbi 1.500 personash. Studimi, i financuar nga qeveria, u krye nga instituti Sora, i njohur në vend për projektimin e rezultateve të zgjedhjeve, në bashkëpunim me Kryqin e Kuq dhe Universitetin e Vjenës. Këto janë numra inkurajues, nga një këndvështrim, por që nga ana tjetër janë për fat të keq një thirrje zgjimi. Këto numra mund të çojnë ekzekutivin e udhëhequr nga Sebastian Kurz të rimendojë vendimin për të rihapur pjesërisht aktivitetet tregtare dhe daljen graduale nga karantina. Kjo pasi, siç konfirmohet tani nga shumë palë, për fat të keq, pa një lloj imuniteti të kopesë, rreziku i kthimit të epidemisë është i lartë.

Përqindja e ulët e personave të infektuar do të tregonte se “imuniteti i kopesë” të pretenduar nuk është arritur në vendin që ishte i pari ndër vendet e Bashkimit Evropian të deklaronte se dëshironte të linte karantinën. Në realitet, numrat mund të jenë shumë të ndryshëm pasi studimi lejoi të vlerësojë numrin e infeksioneve koronaviruse akute midis pacientëve jo të shtruar në spital, por hulumtimi nuk merr parasysh rastet asimptomatike, më të vështirat për t’u zbuluar. Përqindjet mund të jenë shumë më të larta.

Ky studim ka alarmuar qeverinë për një rritje të dytë të mundshme të infeksioneve në rast të rihapjes së dyqaneve, shkollave dhe administratës publike. Ministri i Arsimit dhe Kërkimit Heinz Fassmann tha: “Ne duhet të monitorojmë valën e dytë të mundshme dhe nëse numri i të infektuarve fillon të rritet përsëri.” “Ne jemi akoma në një situatë shumë, shumë delikate,” specifikoi ministri, duke treguar më shumë maturi sesa deklaratat e ditëve të fundit të kolegëve të tij në qeveri.

Çështja e përqindjes së infeksioneve asimptomatike në popullatë mbetet shumë e diskutueshme, me një raport të Organizatës Botërore të Shëndetit në shkurt që sugjeron që rastet me të vërtetë asimptomatike ishin relativisht të rralla. Sidoqoftë, një studim tjetër i vogël kinez, i raportuar në Gazetën Mjekësore Britanike në fillim të këtij muaji, ka spekuluar se deri në një të katërtën e të gjitha infeksioneve mund të jenë pa simptoma.

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments