Kurti në Armeni për Samitin Europian, fokus në bashkëpunim dhe stabilitet
Kryeministri në detyrë i Kosovës, Albin Kurti, ka udhëtuar drejt Yerevan, Armenia, për të marrë pjesë në Samitin e Komuniteti Politik Europian.
Sipas njoftimit zyrtar, Kurti pritet të zhvillojë takime të nivelit të lartë me liderë dhe zyrtarë ndërkombëtarë, si dhe të marrë pjesë në konferencën “Yerevan Dialogue”, një platformë për diskutime strategjike mbi çështjet rajonale dhe globale.
Samiti i tetë i Komunitetit Politik Europian do të mbahet më 4 maj nën moton “Ndërtimi i së ardhmes: Uniteti dhe Stabiliteti i Evropës”, duke mbledhur liderë nga e gjithë Evropa dhe përfaqësues të organizatave ndërkombëtare.
Ky takim synon të shërbejë si një forum për dialog të hapur dhe koordinim strategjik, në një moment të rëndësishëm për të ardhmen e kontinentit, me fokus në forcimin e bashkëpunimit dhe stabilitetit në Evropë.
