Mbyllja e Ngushticës së Hormuzit- CNN: Bota drejt një “Krize të Gjithanshme”
Ajo që nisi si një konflikt ushtarak dhe një rritje e çmimit të karburantit, po kthehet me shpejtësi në një krizë globale furnizimi. Sipas një raporti të fundit nga CNN Business, bllokimi i Ngushticës së Hormuzit pika kyçe ku kalon 20% e naftës botërore po kërcënon prodhimin e pothuajse çdo gjëje, nga ambalazhet e ushqimeve deri te pajisjet mjekësore.
Problemi i vërtetë nuk qëndron vetëm te makinat, por te industria petrokimike. Nafta bruto është lënda bazë për prodhimin e naphtha-s, e cila përdoret për të krijuar plastikë, fibra sintetike dhe rrëshira.
Fabrikat në Azi po mbyllen ose po reduktojnë punën për mungesë lënde të parë. Çmimet e plastikës janë rritur me mbi 59%, duke shtrenjtuar çdo produkt që përdor ambalazh.
Në një përpjekje për të stabilizuar tregun, 32 shtete kanë hedhur në treg 400 milionë fuçi nga rezervat e tyre emergjente. Megjithatë, ekspertët paralajmërojnë se kjo sasi mbulon vetëm 26 ditë të asaj që humbet nga bllokada, duke e bërë ndërhyrjen të pamjaftueshme nëse lufta vazhdon.
Ndërsa Presidenti Trump e ka cilësuar rritjen e çmimeve si “një kosto të nevojshme” për qëllimet strategjike në Iran, presioni ndërkombëtar po rritet.
India dhe Pakistani po përjetojnë goditje të rënda në bujqësi (mungesë plehrash kimike) dhe transport.
Ekonomistët e Goldman Sachs parashikojnë që çmimi i naftës Brent do të qëndrojë mbi $100 deri në vitin 2027 nëse situata nuk ndryshon brenda javëve të ardhshme. Edhe nëse Ngushtica hapet nesër, efekti “goditje kambi” (bullwhip effect) do të thotë që zinxhiri i furnizimit do të ketë nevojë për muaj, ose ndoshta vite, që të kthehet në normalitet.
