Macron: Franca mobilizon tre avionë luftarakë për të mbrojtur Poloninë
Pas sulmeve me dronë rusë në Poloni, kam vendosur të mobilizoj tre avionë luftarakë ”Rafale” për të ndihmuar në mbrojtjen e hapësirës ajrore polake dhe krahut lindor të Evropës me aleatët tanë të NATO-s, njoftoi presidenti francez, Emmanuel Macron në një mesazh të publikuar në X.
”Kemi marrë një angazhim për këtë qëllim dje me kryeministrin polak, Donald Tusk. E ngrita këtë çështje gjithashtu me sekretarin e përgjithshëm të NATO-s dhe me kryeministrin britanik, i cili është gjithashtu i përfshirë në mbrojtjen e krahut lindor”, specifikoi Macron në një postim të publikuar këtë mbrëmje.
”Edhe Gjermania do të forcojë angazhimin e saj ndaj krahut lindor të NATO-s me mbikëqyrje shtesë nga avionët luftarakë, pasi Polonia tha se kishte rrëzuar dronë rusë në hapësirën e saj ajrore”, deklaroi zëdhënësi i qeverisë Stefan Kornelius.
”Ushtria gjermane, Bundeswehr, do të zgjerojë dhe ushtrojë mbikëqyrjen e saj ajrore mbi Poloninë”, theksoi ai./
