Izraeli mirëpret miratimin nga Parlamenti shqiptar të përkufizimit të antisemitizmit nga IHRA
Ministria e Punëve të Jashtme të Izraelit mirëpriti miratimin nga parlamenti shqiptar të përkufizimit të antisemitizmit nga Aleanca Ndërkombëtare për Përkujtimin e Holokaustit (IHRA).
“Përkufizimi i IHRA është një mjet thelbësor në luftën kundër fenomenit të antisemitizmit”, thuhet në deklaratën zyrtare të publikuar në faqen zyrtare të Ministrisë së Punëve të Jashtme të Izraelit.
“Unë mirëpres nismën për krijimin e një forumi kundër antisemitizmit në kryesinë e Kryetarit të Parlamentit të Shqipërisë, në të cilin morën pjesë përfaqësues nga vendet e Ballkanit. Bashkëpunimi dhe bashkimi i duarve midis vendeve dhe kombeve është çelësi për të përballuar këtë fenomen të keq”, u shpreh ministri i Punëve të Jashtme të Izraelit, Gabi Ashkenazi.
Kuvendi i Shqipërisë miratoi dje rezolutën “Për miratimin e përkufizimit të përdorshëm për antisemitizmin, përcaktuar nga Aleanca Ndërkombëtare për Përkujtimin e Holokaustit”, propozuar nga Kryetari i Grupit Parlamentar të Partisë Socialiste, Taulant Balla dhe deputetja Blerina Gjylameti.
Eunews.al
