Përfaqësuesja e Lartë e Bashkimi Evropian për Punët e Jashtme dhe Politikën e Sigurisë, Kaja Kallas, ka njoftuar emërimin e propozuar të 33 ambasadorëve të rinj të Bashkimit Evropian dhe 7 zëvendësshefave të delegacioneve të BE-së në vende të ndryshme të botës.

Mes emërimeve të propozuara është edhe Sofia Moreira de Sousa, e cila është propozuar për postin e Ambasadore së Bashkimit Evropian në Shqipëri.

Aktualisht, Sofia Moreira de Sousa shërben si Shefe e Përfaqësisë së Komisioni Evropian në Portugali, ndërsa më herët ka mbajtur edhe detyrën e Ambasadore së Bashkimit Evropian në Kepi i Gjelbër.

Sipas njoftimit zyrtar, delegacionet e BE-së përfaqësojnë interesat e Bashkimit Evropian në nivel global dhe luajnë një rol kyç në zbatimin dhe promovimin e politikave evropiane, përfshirë politikën e jashtme dhe atë të sigurisë.

Aktualisht, Bashkimi Evropian ka 145 delegacione në mbarë botën, të cilat shërbejnë si pika kryesore të përfaqësimit diplomatik dhe bashkëpunimit me vendet partnere.

Emërimet e reja do të formalizohen pas marrjes së miratimit zyrtar nga vendet pritëse përkatëse, aty ku kërkohet, si dhe pas përfundimit të procedurave administrative që lidhen me procesin e rotacionit diplomatik të BE-së për vitin 2026.

Propozimi i Sofia Moreira de Sousa vjen në një periudhë të rëndësishme për marrëdhëniet mes Shqipërisë dhe Bashkimit Evropian, teksa vendi vijon procesin e negociatave për anëtarësim dhe zbatimin e reformave të kërkuara në kuadër të integrimit evropian.