PSG fiton Champions League pas penalltive, mposht Arsenalin në finalen e Budapestit

Paris Saint-Germain është shpallur fitues i UEFA Champions League, pasi mposhti Arsenal me rezultatin 4-3 në goditjet e penalltive, pas barazimit 1-1 në kohën e rregullt dhe shtesë.

Finalja e zhvilluar në Puskás Aréna nisi më mirë për Arsenalin, që kaloi në avantazh që në minutën e 6-të me Kai Havertz. Skuadra londineze ruajti epërsinë deri në pjesën e dytë, ndërsa PSG pati vështirësi në krijimin e rasteve të rrezikshme.

Francezët rikthyen ekuilibrin në minutën e 65-të, kur Ousmane Dembélé realizoi nga pika e bardhë e penalltisë, duke barazuar rezultatin në 1-1.

Shtesa nuk prodhoi gola, megjithëse pati disa raste të diskutueshme, duke bërë që fituesi të përcaktohej nga goditjet e penalltive. Aty PSG u tregua më e saktë, duke triumfuar 4-3 dhe duke ngritur trofeun më të rëndësishëm të futbollit europian për klube.

Për të mbërritur në finale, Arsenali kishte zhvilluar një sezon të fortë, duke eliminuar skuadra si Bayer Leverkusen, Sporting CP dhe Atlético Madrid.

Nga ana tjetër, PSG kaloi një rrugëtim më të vështirë, duke eliminuar AS Monaco, Chelsea, Liverpool dhe Bayern Munich për të siguruar vendin në finalen e madhe.