Shtetet e Bashkuara të Amerikës kanë njoftuar tarifa ndëshkuese për disa produkte nga Franca dhe Gjermania si hakmarrje për një mosmarrëveshje me Bashkimin Europian lidhur me prodhimin e avionëve të distancave të largëta.
”Produktet që u nënshtrohen tarifave do të përfshijnë pjesë të prodhimit të aeroplanëve… dhe pijeve alkoolike si verërat, konjaku dhe nënproduktet e tjera nga rrushi, nga Franca dhe Gjermania”, tha një deklaratë nga përfaqësuesi tregtar i SHBA.
Masat ishin në përgjigje të tarifave për produktet amerikane me vlerë 4 miliardë dollarë (3,37 miliardë euro) të vendosura nga BE në nëntor pas një vendimi të Organizatës Botërore të Tregtisë (OBT).
SHBA akuzuan BE-në për hakmarrje të padrejtë duke përdorur të dhëna nga një periudhë vëllimesh tregtare të reduktuara në mënyrë drastike për shkak të pandemisë së koronavirusit.
Eunews.al
