Vladimir Putin dhe Xi Jinping përmbyllin takimin e zgjeruar në Pekin
Takimi në shkallë të gjerë mes presidentit rus Vladimir Putin dhe homologut të tij kinez Xi Jinping në Pekin ka përfunduar, sipas njoftimit të medias shtetërore kineze CCTV.
Ky konsiderohet si takimi më i madh dhe më i zgjeruar mes dy liderëve deri më tani, duke reflektuar intensifikimin e marrëdhënieve mes Rusisë dhe Kinës.
Sipas Kremlini dhe mediave shtetërore ruse, axhenda e presidentit Vladimir Putin gjatë vizitës përfshin disa aktivitete kyçe diplomatike dhe ekonomike.
Ndër to janë nënshkrimi i deklaratave të përbashkëta dhe marrëveshjeve dypalëshe, që synojnë forcimin e bashkëpunimit strategjik dhe ekonomik mes dy vendeve.
Gjithashtu, Putin pritet të marrë pjesë në ceremoninë hapëse të një iniciative të përbashkët arsimore, duke treguar zgjerimin e bashkëpunimit edhe në fushën e edukimit dhe shkëmbimeve akademike.
Në kuadër të vizitës, ai do të zhvillojë një takim edhe me kryeministrin kinez Li Qiang, ku në fokus do të jenë marrëdhëniet tregtare dhe ekonomike mes Rusisë dhe Kinës.
Një moment simbolik i vizitës është edhe takimi i planifikuar i Putinit me një inxhinier kinez, të cilin e kishte njohur si fëmijë gjatë një vizite shtetërore në vitin 2000.
Në përmbyllje të axhendës, është parashikuar një takim joformal mes Vladimir Putin dhe Xi Jinping në një format më të vogël, i shoqëruar me një seancë çaji, ku pritet të diskutohen çështje kyçe të agjendës ndërkombëtare.
Ky takim i zgjeruar konfirmon përpjekjet e vazhdueshme të Rusisë dhe Kinës për të thelluar partneritetin strategjik dhe për të forcuar bashkëpunimin në fusha të ndryshme.
